Un accidente múltiple na entrada da Ponte da Barca sáldase cunha persoa ferida
Por Redacción
Un total de catro vehículos víronse implicados este mediodía nun accidente múltiple en Poio, na PO-531, antes da Ponte da Barca.
Segundo informou o Centro de Atención ás Emerxencias 112 Galicia, debido á colisión unha persoa resultou ferida e foi trasladada ao Hospital Domínguez polo persoal sanitario de urxencia.
Tras recibir a chamada de alerta dun particular, dende o 112 informouse a Urxencias Médicas, Protección Civil de Poio, Garda Civil de Tráfico e Policía Local.
O accidente rexistrouse minutos antes das 12:30 horas deste mércores.