Máis de 240 nenos alimentáronse en xullo e agosto grazas o programa de atención municipal
Por Redacción
Ata 243 nenos de 126 familias diferentes viron cubertas as súas necesidades alimentarias durante o verán, a pesar de pechar os comedores escolares. Foron os beneficiarios do programa de alimentos que puxo en marcha a concellaría de Benestar Social, en colaboración coa Fundación AMA. En total, destináronse a esta iniciativa 63.500 euros.
No mes de xullo se lles prestou apoio de alimentos a 243 nenos de 126 familias diferentes mentres que en agosto houbo un beneficiario e unha familia menos, é dicir, 242 menores de 125 núcleos familiares.
Foron, segundo o goberno municipal, un 38% de familias máis das previstas xa que as estimacións municipais cifraba en arredor de 90 -un número similar ao do ano pasado- as familias que se acollerían ao programa asistencial.
Tiveron acceso a este programa os nenos que teñen bolsa nos comedores escolares polos servizos sociais municipais e tamén os pequenos das familias que solicitaran axudas de emerxencia.
Ademais, os nenos de familias usuarias de servizos sociais que foron ás ludotecas tamén recibiron beca de comedor no tempo que estiveron nelas. Co fin de non sinalar aos beneficiarios do programa de alimentos, se contemplaba a entrega dunha compra semanal a todas as familias dun supermercado local.
As compras -con produtos frescos e de primeira necesidade- fixéronse en función do número de membros da familia.