O Club de Piragüismo Portonovo, Soalleira e o profesor Hermida, premios Sanxenxo na Historia
Por Redacción
O Club de Piragüismo Portonovo, Soalleira e o profesor Hermida serán distinguidos este ano cos Premios Sanxenxo na Historia.
Na presentación estivo o alcalde, Gonzalo Pita; o concelleiro de Cultura, Roberto Carlos Agís; a presidenta do Seminario de Estudos Locais de Sanxenxo, Ana Cancela; o presidente do Foro Galicia Milenio, Marcelino Agís e os membros do Seminario de Estudios Locais, Rafael Fontoira e Carmen Outón.
Nesta nova edición das xornadas Sanxenxo na Historia, que xa están convertidas no referente cultural co que remata o mes de agosto nesta vila, o alcalde Gonzalo Pita quixo agradecer o traballo de investigación y documentación que está a facer tanto o Foro Galicia Milenio como o Seminario de Estudos Locais de Sanxenxo.
O rexedor salientou que cada ano estas xornadas aportan traballos que profundizan en diferentes aspectos da historia, a cultura e as tradicións populares en Sanxenxo contribuindo á posta en valor de Sanxenxo, e os temas escollidos nesta ocasión son de especial interese e actualidade.