Denuncian un condutor por chocar contra unha casa cando conducía bébedo en Cambados
Por Redacción
Un veciño de Cambados foi denunciado por conducir presuntamente baixo os efectos do alcohol e protagonizou un aparatoso accidente de circulación no que chocou contra unha vivenda e deixou un rastro de aceite pola estrada.
Os feitos aconteceron na madrugada deste venres, sobre as 6.00 horas. Segundo informaron fontes dos servizos de Emerxencias, o sinistro produciuse na rúa Narciso Pérez, onde o condutor posteriormente denunciado circulou sobre 200 metros perdendo aceite.
O condutor, de 63 anos, saíuse da vía por motivos que aínda non foron aclarados e chocou contra unha vivenda na que causou danos na porta. Tras o sinistro, axentes da Garda Civil de Tráfico sometérono á proba de alcoholemia e deu un resultado positivo de máis de 0,60 miligramos por litro de aire expirado, segundo a información facilitada polos servizos de Emerxencias.
A consecuencia do accidente foi necesario proceder á limpeza da calzada para retirar os restos do coche sinistrado e borrar a mancha de aceite orixinada.