Compromiso para solucionar as deficiencias do campo do Leixo, en Meis
Por Redacción
A deputada provincial de Deportes, Chelo Besada, acompañada do tamén deputado Javier Dios, comprometeu a colaboración da institución provincial para emendar as deficiencias no campo de fútbol do Leixo, en Meis.
Alí xogan os seus partidos as categorías inferiores e o equipo de veteranos do Armenteira CF.
Nunha visita ás instalacións, directivos do club deportivo ensinaron aos deputados os problemas no valado, cortado nalgunhas zonas, as varandas rotas e cheas de óxido ou as caixas de iluminación rotas, entre outras incidencias que supoñen un risco para os deportistas.
Por ese motivo Besada e Dios comprometéronse a buscar unha solución realizando as xestións necesarias e estudando a posibilidade dunha colaboración directa, sinalan dende a administración provincial.