O canon eólico tradúcese na Lama nun novo vehículo para o Concello
Por Redacción
A Lama conta dende este venres cun novo vehículo que pasará a formar parte do parque móbil asignado a Obras e Servizos.
O alcalde, Jorge Canda, e o tenente de alcalde, Juan Carlos Piñeiro, recepcionárono tras a concesión deste por parte de Vicepresidencia da Xunta de Galicia.
O coche, unha furgoneta de sete prazas, foi financiado a través do Fondo de Compensación Ambiental, coñecido como canon eólico, para compensar a presenza de parques de muíños eléctricos nos montes da Lama.
Segundo explica o Concello, a furgoneta será asignada a labores de conservación e mantemento ambiental. Ademais estará a disposición das brigadas municipais para desprazar material grazas a un remolque co que foi equipada.