Os perceptores da Risga xa están a traballar nas brigadas de xardíns, obras e cemiterios
Por Redacción
Ata o vindeiro mes de setembro, 17 persoas formarán parte das brigadas de xardíns, obras e cemiterios do Concello de Pontevedra. Todas elas son perceptores da Risga, a renda de inserción social de Galicia.
Os seus contratos son de sete meses e traballan o 75% da xornada laboral -xeralmente de luns a xoves en xornada de oito horas-.
A maior parte destas persoas teñen cargas familiares importantes, son xente nova e estas contratacións, que están subvencionadas pola Xunta, son unha oportunidade para normalizar a súa vida e acceder ao mercado laboral.
Para a concelleira de Benestar, Carmen Fouces, "esta é a mellor maneira de incluír: coller a un grupo de Risga con proxecto laboral e perfil para entrar no mercado laboral, e que poidan acceder a un posto de traballo remunerado para cubrir as súas necesidades básicas".
A concelleira adiantou que "sabemos que temos uns límites, e que non podemos empregar ao 100% dos perceptores de Risga, pero con este tipo de programas podemos incluír a persoas a través dun contrato".
Carmen Fouces recordou que este programa xurdiu da Xunta de Galicia a raíz dun enfrontamento moi forte no Parlamento entre o goberno e a oposición no que o Concello de Pontevedra achegou todos os datos da situación precaria que vivían os perceptores de Risgas en Galicia.
A situación levou á conselleira de Benestar Social a recapacitar e crear estes programas.
A brigada de xardíns, integrada maioritariamente por mulleres, é un grupo cohesionado e disciplinado que está a adecentar pequenos recunchos da cidade como as xardineiras de Santa María, o Campiño, A Barca ou as zonas verdes de San Roque.
Relacionadas:
-
Pontevedra volverá contratar 20 persoas perceptoras da Risga para traballar en obras e xardíns
Por Natalia Puga |
-
Un traballo, "a verdadeira inclusión" para os perceptores da Risga
Por Redacción |
-
A Fundación Amigos de Galicia potencia un programa de orientación laboral en Pontevedra
Por Redacción |
-
Vinte perceptores de Risga serán contratados polo Concello durante sete meses
Por Redacción |
-
Máis de 425.000 euros para contratar a 45 perceptores da Renda de Inclusión Social na comarca
Por Redacción |