Os empresarios turísticos de Sanxenxo piden ao Concello que controle a movida nocturna
Por Redacción
O alcalde de Sanxenxo, Gonzalo Pita, e o concelleiro de Turismo, Jesús Sueiro, mantiveron a súa primeira reunión de traballo coa xunta directiva do Consorcio de Empresarios Turísticos de Sanxenxo, CETS, presidido por Francisco González. Foron moitas as cuestións que se puxeron sobre a mesa para traballar de xeito conxunto a medio plazo, xa que os hoteleiros consideran que agora o urxente solventar as dificultades que presenta a temporada estival.
Neste sentido, o CETS demandou do Goberno local unha especial atención ao control da movida nocturna, sobre todo no que se refire ao consumo de alcol na rúa, unha cuestión na que o Goberno local xa está a traballar.
A pasada semana, tanto o alcalde como a concelleira de Seguridade e o edil de Turismo mantiveron un encontro cos propietarios dos establecementos de ocio nocturno, no que se lles informou da entrada en vigor dunha nova normativa autonómica que recrudece as sancións por incumprimentos en cuestións como os horarios. Ademáis de reiterarlle aos empresarios que este verán haberá un riguroso control sobre os horarios de peche, tamén abordaron con eles o problema do “botellón”.
O CETS pranteou a necesidade de buscar fórmulas que permitan a Sanxenxo seguir sendo un destino turístico de calidade á vez que se garantiza a diversión de quenes queren disfrutar do ocio nocturno. Neste sentido Francisco González insiste en que os hoteis reciben cada vez máis un turismo familiar, de parellas que viaxan con nenos e buscan en Sanxenxo certa tranquilidade. O Goberno local coincide na importancia de facer compatible o negocio e a diversión, garantindo sempre que Sanxenxo non deixe de ser un destino de calidade.
ALUGUERES DE VERÁN
Na reunión, que se prolongou durante máis de tres horas, o CETS tamén pediu colaboración do Concello no control dos alugueres de verán. En canto entre en vigor a normativa que a Xunta de Galicia está a elaborar sobre apartamentos turísticos e vivendas de uso turístico, os hoteleiros queren que o Concello estableza algún control municipal sobre os establecementos que se dan de alta para poder exercer esta actividade.
Outro dos temas abordados polo CETS foi o das festas gastronómicas e a instalación de carpas nas que se despache comida. Os hoteleiros amosaron ao alcalde o seu rexeitamento absoluto a este tipo de eventos durante os dous meses de verán, ao consideralo unha competencia desleal a establecementos que permanecen abertos todo o ano e que contribúen á economía local co pago de impostos anuais.
Os hostaleiros rexeitan as festas gastronómicas durante os meses de vereno
Fora dos meses de xullo e agosto, o Consorcio está receptivo a que se organicen festas gastronómicas, xa que consideran que incluso poden contribuir á dinamización turística do municipio.
POLICÍA TURÍSTICA
Goberno local e CETS emplazaronse a novas reunións nos vindeiros meses que garantan un traballo continuo e constante para sacar adiante cuestións importantes para o sector. Foron moitos os temas que quedaron sobre a mesa, xa que o CETS, entre outras moitas cousas, solicitou a dotación dunha policía turística, con axentes especializados en cuestións vinculadas ao sector; a urxencia en que se acometa a reforma da seguridade viaria na PO 308; a humanización de Luis Rocafort en todo o tramo; a posta en marcha do polígono de Nantes ou cómo afecta a revisión catastral aos hoteis.
Tamén abordaron a posible implicación de Sanxenxo en proxectos de ámbito estatal como “Destinos Inteligentes” o “Estaciones Náuticas”.
O alcalde de Sanxenxo, Gonzalo Pita, valorou de xeito moi positivo este encontro cos hoteleros e sobre todo o bo entendemento entre ambas partes, unha cuestión básica no obxetivo conxunto de que Sanxenxo siga a consolidarse como un destino turístico de calidade. No mesmo senso se pronunciou o presidente do CETS. Francisco González destacou a “sensibilidade” do Goberno local cos temas que afectan e preocupan ao sector hoteleiro e turístico.