Audasa abre provisionalmente o terceiro carril de acceso á peaxe de Curro
Por Redacción
No marco do Plan de acción de medidas esixidas pola Inspección do Ministerio de Fomento á sociedade concesionaria Audasa, para a mellora da eficiencia das áreas de peaxe da autoestrada AP-9, este venres 3 de xullo, poñerase en servizo de forma provisional a ampliación a un terceiro carril do tronco de acceso, procedente de Santiago de Compostela, á área de peaxe de Curro.
Na actualidade no ámbito da área de peaxe de Curro, deuse continuidade ao terceiro carril do tronco (procedente de Santiago) ata conectar co carril de desaceleración do enlace existente, mellorando así a capacidade e seguridade do tráfico no acceso á praia de peaxe, cun investimento estimado de 1,3 millóns de euros.
O próximo 23 de xullo está previsto que se complete de forma definitiva a remodelación do paso superior do punto quilométrico 118,990 coa transferencia de cargas ao novo piar máis retranqueado.
Ademais, estase executando ademais as obras de ampliación da área de peaxe de Curro cun presuposto de 0,9 millóns de euros. Estes traballos que xa se iniciaron, finalizarán despois do verán evitándose en todo momento as molestias aos usuarios da autoestrada.