Estudan ampliar as hortas urbanas da cidade ante o gran número de solicitudes
Por Redacción
Un total de 27 hortas urbanas na Finca do Conde veñen de ser renovadas para seguir sendo explotadas polos seus beneficiarios. Así o acordou a Concellaría de Benestar Social, que informa ademais que se adxudicaron dez máis a outras tantas persoas polas baixas que se realizaron neste ano.
Neste momento seis persoas están en lista de agarda.
Ante o bo funcionamento e a resposta cidadá, o Concello está estudando a posibilidade de ampliar o número de hortas, tanto nesta zona como noutras parcelas municipais que hai en distintos barrios da cidade.
O goberno municipal puxo en marcha este proxecto hai un ano, aproximadamente, tratando de priorizar ao colectivo de mulleres en risco de exclusión, e introducindo á asociación Xoán XXIII como encargada de crear a horta, o que implicou a limpeza de boa parte da parcela, a creación dunha zona de estar con bancos e mesas ou a instalación dunha caseta para gardar os aparellos.
A empresa “Feito”, a primeira empresa de inserción social do municipio, está a facer estes traballos de mantemento do espazo no que se atopa a horta urbana.
Relacionadas:
-
O Concello reformula os usos das hortas urbanas e saca a concurso as 57 parcelas municipais
Por Redacción |
-
O BNG aposta por estender as hortas urbanas polos barrios
Por Redacción |
-
A agricultura ecolóxica adéntrase na cidade a través das hortas dos Gafos
Por Redacción |
-
A Federación Castelao ofrece hortas urbanas no Gorgullón para plantar verduras e hortalizas
Por Anxo Lourido & Mónica Patxot |