Clases de guitarra, piano e canto coral para os veciños de Ponte Caldelas
Por Redacción
En virtude das conversas mantidas entre o alcalde de Ponte Caldelas, Perfecto Rodríguez, e os representantes da Coral Valdarrosa chegouse ao acordo grazas ao cal farase posible ofertar clases de guitarra, piano e canto coral nunhas condicións moi atractivas e beneficiosas para os posibles interesados.
Clases de canto coral
Establécese un mínimo de idade de 14 anos e levarase a cabo coincidindo cos propios ensaios da propia Coral. Terá carácter gratuito xa que se pretende que a asociación poida ir incorporando novos membros que aseguren o futuro e sostenibilidad dunha asociación que acaba de cumprir 20 anos de funcionamento ininterrumpido e que se converteu nun auténtico referente dentro da actividade musical do municipio.
Clases de guitarra
O mínimo de idade será de 8 anos cumpridos no momento de formalizar a solicitude. Terá un custo de 15 euros ao mes incluíndo as clases dunha hora semanal. O instrumento deberá de ser aportado polo alumno. Establécese un mínimo de 5 e un máximo de 10 participantes por grupo.
Clases de piano
O mínimo de idade será de 8 anos cumpridos no momento de formalizar a solicitude. Terá un custo de 15 euros ao mes incluíndo as clases dunha hora semanal. A propia organización dispoñerá de pianos para que de xeito inicial os alumnos poidan ir levando a cabo as sesións formativas. Establécese un mínimo de 5 e un máximo de 10 participantes por grupo.
Para poder acceder a estas actividades os interesados deberán de encher unha preinscripción que terá que ter entrada no Rexistro do Concello de Ponte Caldelas con data tope de 25 de xaneiro de 2013.
Na páxina web do Concello, www.pontecaldelas.org, os interesados poderán ter acceso á información completa do proceso.