Envorca na autovía de Marín a furgoneta dunha escola de surf
Por Redacción
O Centro de Atención de Emerxencias CAE 112 Galicia informou dun accidente con feridos na estrada PO-11, coñecida como a autovía de Marín.
O suceso tivo lugar ás 20.17 horas deste luns e consistiu nunha saída de vía dunha furgoneta da escola de surf, Golfiños Surf School, no carril dirección a Pontevedra.
Por causas que se descoñecen o condutor perdeu o control do vehículo saíndose da calzada ata impactar contra o valo de peche da fábrica de Ence, envorcando como consecuencia do impacto e do desnivel no que se encontra a beiravía.
Segundo informaron testemuñas presenciais o condutor resultou ferido con diversas contusións polo que tivo que ser trasladado ata un centro sanitario.
Axentes da Garda Civil dirixiron o tráfico durante os labores de retirada do vehículo sinistrado polo que tivo que ser cortado durante media hora un dos dous carrís da autovía mentres manobraba o guindastre.