Le Petit Atelier, un punto de encontro en Pontevedra para amantes da decoración infantil e xuvenil
Por Redacción
A rúa Santa Clara, recentemente remodelada, conta dende o xoves 28 de maio cun novo establecemento, que vén a contribuír á revitalización comercial desta zona.
"Le Petit Atelier", situado no número 35 da devandita rúa, é un novo espazo dedicado á decoración e o interiorismo que pon o seu foco de atención nos máis pequenos da casa.
Pero "Le Petit Atelier" é moito máis que unha tenda de mobiliario infantil e xuvenil, é un establecemento de obrigada visita para os que buscan un axeitado asesoramento e produtos de calidade.
A responsable a devandita iniciativa, Marta Cimadevila, arquitecta de profesión e amante do deseño de interiores e a decoración, concibe este proxecto como un negocio que vai máis alá da venda de mobiliario e artigos de decoración, poñendo a disposición do cliente un asesoramento integral e profesional para transformar os dormitorios dos nenos en espazos agradables á vez que prácticos, destinados ao xogo e ao descanso dos reis da casa.
En "Le Petit Atelier" pódense encontrar artigos das mellores marcas do mercado pero tamén marcas de deseñadores noveis que fabrican artesanalmente produtos moi coidados e cun toque diferente. Ademais en " Le Petit Atelier" resérvase un espazo para artigos de regalo, poñendo a disposición do cliente unha orixinal e distinguida colección de artigos para canastra, complementos téxtiles e de iluminación, así como outros moitos detalles cun toque orixinal.
Para máis información sobre esta nova iniciativa comercial en Pontevedra, consultar a súa páxina web: www.lepetitatelierdeco.es.