A Infanta Elena inaugura este luns un curso de verán do Centro Nacional de Vela Adaptada en Sanxenxo
Por Redacción
A inauguración dun curso de verán do Centro Nacional de Vela adaptada en Sanxenxo traerá este luns 8 de xuño á infanta Elena ata a vila turística como directora de proxectos da Fundación que promove esta actividade.
O acto iniciarase ás 12.00 horas no Real Club Náutico de Sanxenxo coa participación, entre outros, de Rafael Louzán, presidente da Deputación provincial; a secretaria xeral de Política Social da Xunta, Coro Piñeiro; o vicepresidente de Down Galicia, Manuel Pérez e o presidente do RCN Sanxenxo, Pedro Campos.
Previamente a esta inauguración formal, presentarase o programa para a integración laboral de persoas con discapacidade intelectual e trastorno de saúde mental 'Juntos somos capaces'.