Este luns 8 instalaranse novos lombos en San Mauro e na avenida Juan Carlos I
Por Redacción
Está previsto que este luns 8 de xuño a partir das 9.15 horas se instalen lombos na rúa San Mauro, entre Loureiro Crespo e Juan Carlos I, ademais de na propia avenida Juan Carlos I, entre a avenida de Lugo e San Mauro.
Está previsto que estas obras se acometan en catro fases. A Policía local establecerá un dispositivo para habilitar desvíos que garantan a mobilidade do tráfico en toda esta zona afectada pola instalación destes pasos elevados.
O obxectivo da construción destes lombos baséase na redución da velocidade dos vehículos en puntos sensibles da cidade, de maneira que os viandantes poidan cruzar as rúas cun menor índice de probabilidade de sufrir un accidente.