A Garda Civil detén un motorista de Vilanova de Arousa por tráfico de drogas
Por Redacción
Axentes da Garda Civil detiveron a S.R.T., de 25 anos de idade e veciño de Vilanova de Arousa, como presunto autor dun delito contra a saúde pública por tráfico de estupefacientes.
Segundo informaron fontes oficiais do Instituto Armado, os feitos sucederon na tarde do martes cando unha patrulla da compañía da Garda Civil de Pontevedra, que realizaba un control na estrada PO-551 (Marín-Rande), punto quilométrico 6,900, termo municipal de Marín, procedeu ao control unha motocicleta marca Yamaha, modelo XP500, ocupada unicamente polo seu condutor.
Ao abrir este o portaobxectos da moto, co fin de acceder á documentación solicitada polos axentes, observaron que portaba unha gran cantidade de billetes soltos no devandito oco, en concreto 3.400 euros fraccionados en billetes de 50, 20 e 10, diñeiro do que non puido xustificar a súa procedencia.
Por todo iso procederon a realizarlle un superficial rexistro encontrándoselle entre as súas vestimentas unha bolsa contendo 61,17 gramos de cocaína (297 doses). Os axentes decidiron detelo e trasladalo ás dependencias oficiais da Garda Civil, xunto coa motocicleta e a droga, para a instrución das correspondentes dilixencias.
O detido, que conta con antecedentes policiais, será posto a disposición do Xulgado de Instrución de Garda de Marín.