Charanga en Ence para celebrar a festividade dos Praceres
Por Redacción
Este luns 25 celébrase o Día grande das Festas dos Praceres e a comisión destas Festas de Lourizán e Os Praceres tivo a idea de integrar a fábrica de Ence nesta festividade levando á charanga Air Jalisia que percorreu durante a mañá toda a parroquia ata o Centro de Operacións da empresa en Lourizán.
O director de Ence Pontevedra, Antonio Casal, recibiu aos integrantes da Comisión de Festas e desta charanga, que realizou un pequeno percorrido polas instalacións ante a atenta mirada dalgúns dos traballadores da administración de Ence e por algúns técnicos da factoría.
O grupo de gaitas Os Alegres animou tamén a parroquia cun pasarrúas para dar paso á misa solemne cantada polo coro parroquial en honor á Santa, seguida dunha procesión.
A partir das 21.00 horas, as orquestras Jerusalén e El Combo Dominicano amenizarán a gran verbena fin de festa na praza de Praceres e concluirá a xornada cunha gran tirada de lumes artificiais.
Durante a xornada deste martes 26, os nenos serán os protagonistas das actividades infantís que se desenvolverán con motivo desta celebración.