Entrega de orlas con sabor a despedida no colexio Sagrado Corazón
Por Redacción
O pasado venres 22 de maio tivo lugar no teatro do Colexio Plurilíngue Sagrado Corazón de Jesús de Pontevedra unha emotiva cerimonia de entrega de orlas.
Os 49 alumnos de segundo de Bacharelato, que estiveron acompañados das súas familias e dos profesores do centro, recibiron as orlas de mans do equipo directivo do colexio e da presidenta do ANPA.
A cerimonia contou con varias actuacións musicais da man do coro do propio colexio, dirixido por Miguel García Limeses, e un dúo composto por unha alumna de segundo de Bacharelato e Roberto Calvo, cantante e guitarrista do grupo pontevedrés Quatro D Abril, ademais de exalumno do centro.
O acto clausurouse coa proxección dun vídeo que presentaba distintos momentos da vida dos mozos no centro: a gran maioría dos estudantes iniciaron o seu singladura no CPR Sagrado Corazón de Xesús con 3 anos, en 4º de Educación Infantil.
Sen dúbida, un broche de ouro para unha cerimonia cargada de emoción, recordos e bos desexos para o futuro.