Restriccións de tráfico no Porto de Marín polas obras dos novos accesos
Por Redacción
Dous días, previsiblemente, durarán as restricións de tráfico no ámbito do Porto de Marín, con motivo das obras de remodelación dos accesos na zona da Praza de España.
Será necesario cortar a entrada e saída de vehículos ao recinto portuario polo acceso de Marín -a porta máis próxima á Escola Naval-, durante as xornadas do mércores e o xoves.
Durante eses dous días, o tráfico rodado só poderá utilizar o acceso do porto por Praceres.
Ademais, faranse desvíos durante toda a semana para os accesos aos peiraos Ceferino Nogueira na Terminal Cuberta e ao Novo Peirao Comercial, así como ás oficinas e talleres do Grupo Nogar.