Tres feridos na colisión de tres coches en Meis
Por Redacción
Tres persoas resultaron feridas a última hora deste domingo nun accidente de circulación rexistrado no Concello de Meis. O sinistro consistiu na colisión entre tres vehículos que circulaban pola estrada AG-41, á altura do punto quilométrico 4.000.
Segundo informou o Centro de Atención de Emerxencias de Galicia 112, un particular chamou arredor das 20.00 horas e, tras recibir o aviso, foron mobilizados os servizos sanitarios de urxencia, así como axentes da Garda Civil de Tráfico, efectivos de Protección Civil de Meis e o persoal do servizo de mantemento da estrada.