Encontro interxeracional na residencia da Terceira Idade de Campolongo
Por Redacción
A Escola Infantil da Delegación Territorial de la Xunta en Pontevedra finalizou a 'Quincena das Profesións' cunha visita aos maiores e traballadores da Residencia da Terceira Idade de Campolongo para celebrar "O día da familia".
O obxectivo desta quincena foi achegar os máis pequenos a diferentes profesións, segundo informa a Xunta de Galicia. Durante esta xornada, os nenos coñeceron o labor que desenvolven os coidadores e terapeutas da Residencia da Terceira Idade e manter un encontro cos usuarios, de forma que os maiores contaron contos aos pequenos mentres eles lles ensinaron cancións.
Durante esta quincena, os menores coñeceron profesións como a de médico, policía, bombeiro ou avogado. Tamén se trasladaron en días pasados ata as instalacións da Comisaría da Policía Autonómica situada na propia Delegación Territorial da Xunta para coñecer os vehículos cos que traballan os axentes, así como ou material que adoitan utilizar.
Por outra parte, os bombeiros tamén se achegaron ao edificio para que os pequenos coñecesen o seu uniforme, a roupa especial contra o lume, as mangueiras e os cascos.