15M Pontevedra prepara unha serie de actos para conmemorar o aniversario do movemento cidadán
Por Redacción
Catro anos despois o 15 M volverá estar visible en Pontevedra cunha serie de actos conmemorativos que se celebrarán durante as xornadas de venres e sábado.
A actividade central organizada polos colectivos Indígnate Pontevedra e Mobilízate Pontevedra será o ciclo de debate político, co trasnfondo das eleccións municipais.
A cuarta edición de Pontevedra Pregunta celebrarase é venres 15 ás 19:30 horas na Facultade de Belas Artes coa presenza de Iván Puentes (PSOE), Piar Dopazo (Compromiso por Galicia) e María Biempica (Tod@s por Pontevedra), e o sábado 16 no Teatro Principal á mesma hora con Anabel Gulías (BNG), Guillermo Casalderrey (Marea) e Alfonso Rodríguez (Ciudadanos).
Trátase de habilitar "un espazo necesario para a cidadanía onde poder facer un debate de verdade político e non un mitin", explicou Ángela Rodríguez na presentación das xornadas, que contan coa ausencia do Partido Popular, que declinou o convite.
Ademais "aproveitando que Mariano Rajoy tivo a deferencia de acudir á cidade o día do aniversario do 15M" o venres ás 18:30 horas ante o monumento aos Heroes de Ponte Sampaio se lerá o manifesto 'Mariano sé forte'.
Os actos previstos polo 15M na cidade complétanse cunha celebración no bar Naveiro ás 22:00 horas do venres e unha asemblea aberta no Campiño de Santa María ás 12:30 horas do sábado para "preguntarnos se como cidadanía seguimos indignados", explicou Rodríguez.