A Fiscalía arquiva a investigación ao non detectar neglixencia nas mortes de pacientes por unha bacteria no CHOP
Por Redacción
O fiscal xefe de Pontevedra, Juan Carlos Aladro, decidiu arquivar a investigación aberta no Complexo Hospitalario Universitario de Pontevedra (CHOP) polo falecemento de tres pacientes a causa dunha bacteria multirresistente, a pseudomona.
Á luz do informe elaborado polos forenses a Fiscalía non detectou neglixencia nos servizos de Medicina Preventiva, Hematoloxía e Microbioloxía.
Segundo informan La Voz de Galicia e Faro de Vigo, os forenses concluíron que as medidas adoptadas no Chop foron as axeitadas e conformes á normativa europea, e mesmo sinalan que se aplicaron medidas por enriba do que establecen os estándares a nivel europeo.
O fiscal xefe abriu de oficio esta investigación que se sumou á que o propio Complexo Hospitalario tiña en marcha para aclarar a morte de tres pacientes por esa bacteria pseudomona.
Relacionadas:
-
O CHOP recoñece que en outono houbo un "brote" de pseudomona, pero asegura que "está cerrado"
Por Natalia Puga & Mónica Patxot |
-
A Fiscalía amplía a investigación polo brote de pseudomona no CHOP
Por Redacción |
-
O Defensor do Paciente abre a terceira investigación sobre as mortes de pacientes con pseudomona
Por Redacción |
-
Persoal do CHOP declara na Fiscalía na investigación sobre a pseudomona
Por Redacción |
-
O BNG pregunta pola influencia dos recortes e privatizacións nas últimas mortes en Montecelo
Por Natalia Puga |