Sanxenxo adianta a campaña de verán coa apertura dos quioscos de praias
Por Redacción
O Goberno local de Sanxenxo está traballando para adiantar a campaña de verán nos arenales do municipio “e dar resposta a demanda de servizos por parte dos usuarios que escollen estes enclaves para gozar do seu tempo de lecer”.
Así, o concelleiro delegado de Medio Ambiente xestiona actualmente a apertura dos quioscos das praias cos seus concesionarios para que “poidan comezar a funcionar nos próximos días, tendo en conta que as condicións meteorolóxicas empezan a ser favorables para elo”, comentou José Luís Rodríguez, quen explicou tamén que “xa estamos preparando a area coas máquinas cribadoras aínda que o mar está dificultando esta tarefa pola gran cantidade de algas que arrastra estes días”.
Á súa vez, desde o departamento de Persoal, que dirixe Salvador Durán, están celebrando nas últimas semanas os distintos procesos de selección dos traballadores que reforzarán o labor das áreas municipais implicadas directamente co turismo, como son a Policía Local, o Servizo de Vixilancia en Praias, a Oficina de Turismo, Limpeza de Praias e o Porto Deportivo Juan Carlos I.
“Con iso queremos facilitar ademais a labor do novo Goberno municipal, que incorporarase o 13 de xuño, deixándolle todo preparado para o comezo da tempada estival, dado que á organización e a previsión é vital para un destino vacacional de primeira magnitude como é este que ten o turismo como principal moto económico”, explicaron desde o Executivo sanxenxino.
Relacionadas:
-
Emerxencias Sanxenxo contará cunha nova embarcación para labores de salvamento
Por Redacción |
-
Contratan seguridade privada para reforzar o labor policial durante o verán no porto deportivo
Por Redacción |
-
Un total de 160 persoas optan aos 17 postos de operarios de reforzo estival de limpeza de praias
Por Redacción |