O PP asegura que o contrato de limpeza do Concello tamén está "sobredimensionado"
Por Oskar Viéitez
O Partido Popular de Pontevedra denunciou unha "irregularidade" no contrato de recollida de lixo e limpeza viaria do Concello de Pontevedra.
Así o afirmaron en rolda de prensa este luns o concelleiro popular, César Abal e a Responsable de Asuntos Xurídicos da formación, María José Rois.
Este contrato foi adxudicado no ano 1999, polo alcalde do PP, Juan Luis Pedrosa, cunha duración de 12 anos prorrogables, e un canon anual de 3 millónes de euros que incluía a adquisición de equipos, cunha amortización anual neses 12 anos de algo máis de catrocentos mil euros.
O contrato foi modificado dúas veces cos seus correspondentes incrementos, polo que, dende o Partido Popular estiman que o custo de amortización que se está aboando na actualidade é de 800 mil euros.
"Un lucro injustificado a favor de la empresa", sinalou María José Rois. "Los 58 vehículos que conformaban el parque en el año 2011 están amortizados prácticamente en su totalidad y no se produjo la detracción del contrato en las sucesivas prórrogas", advertiu.
O voceiro do goberno municipal, Raimundo González, recomendou aos concelleiros do PP, "que se coordinen entre eles" e lle pregunten ao ex alcalde Juan Luis Pedrosa xa que "o contrato contempla as prórrogas sen ningún tipo de condicionante".
"A tramitación de unha prórroga é reglada e ven determinada no propio prego de condicións", apuntou Raimundo González "evidentemente estamos nunha campaña electoral, pero xa tiveron tempo durante catro anos para ler os contratos" e engadiu "xa nos esperabamos que o PP entrara na guerra sucia".