Asfaltados parciais nas rúas Filgueira Valverde e Xoan Carlos I
Por Redacción
O Concello de Pontevedra asfaltará este luns, 11 de maio, parte das rúas Profesor Filgueira Valverde e Xoán Carlos I.
Esta pavimentación inclúese dentro dun proxecto máis amplo do que xa se asfaltaron as rúas Sagasta, Xoaquín Costa e Peregrina, e que pretende alongar o máis posible a vida útil dos pavimentos, por iso se realiza aproveitando a primavera.
As obras que se realizarán en Filgueira Valverde serán o fresado e asfaltado polo que será preciso o seu peche durante a mañá, cando está previsto que rematen as obras.
Pola tarde, tamén se procederá a realizaren os mesmos traballos na rúa Xoán Carlos I, pero neste caso manteranse os dous sentidos de circulación abertos.
En vindeiros días continuarase co asfaltado parcial das rúas:
- Conde Bugallal
- Domingo Fontán
- Costa
- Portugal
- A subida aos Areás
O orzamento desta actuación que realiza a empresa Covsa é de 60.250,86 euros.