Deteñen a dúas personas, unha delas menor de idade, por vender haxix
Por Oskar Viéitez
Dentro do Plan operativo de resposta ao tráfico minorísta e consumo de drogas, axentes da Policía Local de Pontevedra procederon á imputación de dúas persoas, unha delas menor de idade, por un presunto delito contra a saúde pública, por tráfico de drogas, concretamente haxix.
A Policía Local de Pontevedra procedeu á identificación dun menor de idade con varios anacos de haxix, cun peso de 15,75 gramos, procedendo a súa intervención e a tramitación da correspondente denuncia administrativa por tenencia.
Segundo informan dende a Xefatura da Policía Local, a intervención deste día deu pé para unha posterior investigación sobre a procedencia da droga.
Deste xeito, o pasado día 1 de maio axentes da Policía Local de Pontevedra volveron identificar ao menor con máis cantidade de haxix (sete anacos cun peso de 26,63 gramos), quen recoñeceu telo mercado para a venta ao menudeo.
Unha vez identificado o subministrador, os axentes da Policía Local de Pontevedra procederon á identificación dun mozo de 20 anos de idade que subministraba ao menor de idade para a venta. Esta persoa ía acompaña de outros dous menores de idade que acaban de mercarlle haxix.
Ante estes feitos, os Axentes da Policía Local procederon a detención deste mozo, de 20 anos de idade por un presunto delito contra a saúde pública, concretamente por tráfico de drogas (haxix).
Ase mesmo, a Policía Local interveu no seu domicilio unha cantidade importante de haxix (56 landras cun peso superior aos 500 gramos, así como unha balanza de precisión e 510 euros).
En total a Policía Local procedeu a tramitación de tres denuncias administrativas por tenencia de estupefacientes (os tres menores de idade) e a imputación de dúas persoas por un presunto delito contra a saúde pública por tráfico de drogas (concretamente haxix). Un deles menor de idade. Incautaron en total 567 gramos de haxix, 550 euros e unha báscula de precisión.