Queiman catro colectores en Noalla
Por Oskar Viéitez
A Policía Local de Sanxenxo informou da queima de catro colectores en Noalla.
Concretamente foron tres recipientes destinados á recollida de residuos orgánicos e outro específico dedicado á separación de vidro os que arderon.
Segundo o concelleiro de Medio Ambiente, José Luis Rodríguez, tratouse de "un acto vandálico que non podemos consentir polo que rogamos que si algunha persoa viu ao causante ou causantes deste suceso que presente a correspondente denuncia", afirmou.
Dende a Administración local cualificaron este acto como "deplorable" polo dano que supón "contra o patrimonio de todos os veciños e veciñas deste concello", afirmou o edil.
José Luis Rodríguez recordou que "feitos como este leva un custe para a Administración local, é dicir, para todos os veciños, xa que houbo que desprazar ao Servizo Local de Emerxencias para apagar o lume, debemos retirar o material queimado, substituílos contedores e acondicionar a zona e repoñer o firme".
E é que as chamas provocaron que o asfalto se levantase polo que, os servizos municipais terán que ocuparse a próxima semana de reparar o pavimento antes da colocación dos novos colectores.