O CEIP Álvarez Limeses, gañador das Olimpíadas do Recreo
Por Redacción
A Facultade de Ciencias Sociais e da Comunicación de Pontevedra acolleu este sábado a fase final das Olimpíadas do Recreo.
Un total de 114 nenos de sete centro escolares déronse cita na última xornada do programa municipal, que intenta fomentar a diversión entre os alumnos mentres adquiren diversos coñecementos.
Os centros participantes na final, tras clasificarse previamente, foron: CEIP A Carballeira (9 nenos), CEIP Álvarez Limeses (13 nenos), CEIP Manuel Vidal Portela (36 nenos), CEIP San Benito de Lérez (4 nenos), CEIP Santo André de Xeve (10 nenos), CEIP A Xunqueira I (32) e CEIP Marcón (10).
Tras protagonizar diversas probas arredor do deporte, a química e a comunicación o colexio vencedor foi o CEIP Álvarez Limeses.
Os gañadores recibiron de man do concelleiro de Educación, Agustín Fernández, cheques para gastar en material escolar. Ademais todos os participantes levaron diplomas de recordo e regalos de varios patrocinadores.