Sanxenxo reforzará a limpeza das praias en verán coa contratación de 17 operarios
Por Redacción
O Concello de Sanxenxo abriu o prazo para a presentación de solicitudes dos interesados en traballar durante o verán na limpeza das praias do municipio.
En total serán 17 as persoas que se incorporarán ao servizo de mantemento dos areais do municipio a tempo parcial, cunha xornada semanal de 25 horas durante dous meses.
O proceso de selección iniciouse coa apertura do prazo para presetar a documentación requirida, que consta da instancia correspondente, unha fotocopia do DNI e o xustificante de ter ingresado a taxa por dereitos de exame ou a tarxeta de demandante de emprego.
Segundo indica o goberno local este prazo manterase aberto ata o xoves 30 de abril, antes de afrontar unha selección que se desenvolverá o mércores 6 de maio no Pazo Emilia Pardo Bazán cun exame oral.
O traballo a desempeñar por estes operarios consistirá no baleirado das papeleiras das praias, retirada de residuos da área de limpeza en zonas verdes, paseos, sendeiros e vías de acceso aos areais, un mantemento de roza, limpeza e nivelación da area nas saídas naturais de augas pluviais. Tamén se ocuparán da retirada de algas e do seu traslado ao vertedoiro autorizado, ao igual que dos outros residuos depositados na area.
Relacionadas:
-
Un total de 160 persoas optan aos 17 postos de operarios de reforzo estival de limpeza de praias
Por Redacción |
-
As praias de Sanxenxo estarán vixiadas dende xuño a setembro por 52 socorristas e sanitarios
Por Redacción |
-
Sanxenxo tramita ante Costas a instalación dos servizos de tempada en dez praias do municipio
Por Redacción |