Comisiones Obreras alerta das dificultades para acceder aos extintores no Complexo Hospitalario
Por Redacción
O sindicato comarcal de Sanidade de Comisiones Obreras denuncia o grave risco que corren os traballadores e usuarios dos Hospitais Provincial e Montecelo de Pontevedra ao incumprir, segundo este sindicato, a normativa de Prevención de Riscos laborais e do sistema de loita antiincendios nos dous Hospitais do Complexo Hospitalario de Pontevedra.
Comisiones Obreras entende que este incumprimento se debe á privatización do servizo de subministracións e denuncia que a empresa concesionaria está a bloquear corredores de entrada e saída de persoas, os utiliza como almacén privado e dificulta o acceso a extintores e medios de loita contra incendios.
O delegado sindical Rafael Vázquez afirma que se están a almacenar lixivias e deterxentes cáusticos xunto a bombonas de gas de soldadura nos patios de acceso ao tanatorio, na sala de extraccións e próximos tamén a vehículos de carga e descarga de mercadorías.
Dende o sindicato recordan a situación que provocou o incendio da nave de documentos clínicos do Sergas que se encontraba privatizado nunha nave de Alba en 2004. Comisiones Obreras indica que se perderon mamografías de toda Galicia naquel incendio e os historiais médicos de toda a poboación de Pontevedra e engaden que naquela ocasión tamén se denunciou o incumprimento da normativa básica contra incendios.