O domingo 12 sairá a procesión do Viático
Por Redacción
O día 12 domingo de abril, sairá da Real Basílica de Santa María la Mayor, a tradicional procesión do viático, organizada polo Gremio de Mareantes, en colaboración coa Real Basílica de Santa María La Mayor para levar a comuñón aos "enfermos e impedidos" da devandita parroquia.
Previo ao inicio da procesión, terá lugar na Basílica unha eucaristía que dará comezo ás dez da mañá, será oficiada polo párroco Javier Porro.
Dará escolta á Custodia que porta a Jesús Sacramentado baixo palio, un piquete de alumnos da Escola Naval Militar de Marín, entidade que ostenta o título de Presidenta Honorífica dos Mareantes pontevedreses, asistindo por outra parte, o Comandante Director da Escola, Juan Luis Sobrino Pérez-Crespo, que portará o cetro de "Teucro".
Asistirá tamén o Xeneral de Brigada, Luis Cebrián Carbonell, Xefe da BRILAT, que ostenta o título de Presidenta Honorifica de los Mareantes pontevedreses. A banda de música da Escola Naval Militar de Marín que pechará o cortexo.
A procesión do Viático que sairá de Santa María, tras finalizar a misa que dará comezo ás dez da mañá, percorrerá as rúas: avenida de Santa María, Xan Guillerme, Jofre de Tenorio, praza de Concepcion Arenal, Alfonso XIII, Echegaray, paseo de Colón, Monteleón, Almirante Matos, campo da Torre, Juan Villaverde, e Irmáns Nodal, recolléndose na Capela de San Roque, dende onde se impartirá a bendición.
Como xa resulta tradicional os veciños das Moureiras confeccionarán durante a noite as vistosas alfombras.