As chuvias regresarán ás Rías Baixas durante a tarde deste xoves
Por Redacción
A inestabilidade chegará ás Rías Baixas a partir da xornada do mércores. Para este martes, os ceos presentarán nubes de tipo medio e alto con temperaturas que se manterán entre os 12 graos de mínima e os 26 de máxima. O vento soprará de compoñente este.
Xa o mércores, Galicia quedará nunha situación intermedia entre o anticiclón do mar do Norte e a borrasca do golfo de Cádiz, segundo os datos do servizo de MeteoGalicia. Os ceos presentarán nubes de tipo alto, con entrada de nubes medias pola tarde polo sur da provincia que deixarían algún chuvasco illado e ocasional no ámbito de Pontevedra. As temperaturas mínimas descenderán lixeiramente e as máximas situaranse arredor dos 22 graos.
Os chuvascos presentaranse nas Rías Baixas durante a xornada do xoves. As temperaturas mínimas ascenderán lixeiramente mentres que as máximas sufrirán un lixeiro descenso, de maneira que oscilarán entre os 8 e os 22 graos. O vento seguirá soprando frouxo de dirección este.
Tanto o venres coma durante o fin de semana manterase unha situación de inestabilidade atmosférica, con maiores probabilidades de que se rexistren chuvascos durante a xornada do venres. As temperaturas seguirán sendo agradables, con máximas arredor dos 20 graos.