Un veciño de Poio ocúltase nunha caixa nun soto para evitar que o 'pillen' roubando nunha nave
Por Redacción
Un veciño de Poio de 38 anos ocultouse no interior dunha caixa metálica nun soto para evitar que o sorprendesen mentres cometía un roubo nunha nave. Foi localizado alí escondido pola Policía Nacional e rematou detido.
O detido é un home con antecedentes policiais ao que se lle atribúe un roubo con forza en grao de tentativa. Axentes da Policía Nacional interveulle un par de luvas, unha lanterna e un desaparafusador.
Os feitos sucederon este domingo 5 de abril. O home foi sorprendido porque un veciño chamou á Comisaría alertando de ruídos na parte traseira dunha nave coma se alguén tratase de acceder ao interior. Tras o aviso, axentes da Policía Nacional desprazáronse ao lugar e cruzaron un muro perimetral de tres metros para chegar ata a zona da nave.
Unha vez alí comprobaron que os golpes procedían do soto e que no muro había amoreados varios radiadores e tubos de cobre. Unha vez no interior do soto, localizaron escondido no interior dunha caixa metálica ao presunto autor dos golpes para extraer os radiadores e os tubos de cobre.