Tráfico intenso na "operación retorno"
Por Redacción
Que este luns non sexa día laboral en toda España facilitou un regreso graduado dos numerosos turistas que elixiron as Rías Baixas para gozar da Semana Santa.
En comunidades como Cantabria, Castela-A Mancha, Cataluña, Comunidade Valenciana, Navarra, País Vasco ou La Rioja, é festivo este luns e o mesmo sucede en municipios como Sanxenxo.
Nas estradas da nosa comarca o domingo houbo tráfico intenso con retencións puntuais a última hora da tarde, especialmente en viais como a estrada da costa, a PO-308 entre Sanxenxo e Pontevedra, na estrada que une Marín e Bueu e na autovía do Salnés e a vía rápida ata O Grove.