Un condutor foxe tras atropelar unha concelleira do PP de Poio
Por Redacción
A PO-308 rexistrou este domingo un novo accidente. Nesta ocasión o suceso produciuse ás 13.00 horas nun dos pasos de peóns da Porteliña e a vítima foi Carmen Torres, a concelleira do Partido Popular en Poio, que entrará na Corporación local substituíndo o novo presidente de Sogama, Javier Domínguez.
Segundo informaron no lugar dos feitos, un vehículo de cor branco e con matrícula portuguesa non respectou o paso de peóns golpendo á muller na perna.
Nun primeiro momento o condutor parouse pero deseguida continuou a súa viaxe.
Dáse a curiosa circunstancia de que Carmen Torres, antiga directora do Centro de Tecnificación Deportiva de Pontevedra, xa foi atropelada nunha anterior ocasión neste mesmo paso de peóns, situado en fronte da súa vivenda.