A mellor Semana Santa dos últimos anos para o sector turístico
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O bo tempo disparou os termómetros e as reservas hoteleiras nas Rías Baixas.
Numerosos empresarios hoteleiros confirman que as pernoctacións medraron esta Semana Santa.
Algúns como establecementos como o Hotel Balneario La Toja ou o Parador de Cambados colgaron o cartel de completo pero a media sitúase no 80% de ocupación entre aqueles que abriron as súas portas estes días.
Fontes do sector apuntan que preto dun 25% dos hoteis de Rías Baixas non abrirán ata xuño co inicio da tempada de verán, ainda que algúns destes cambiou a súa estratexia a última hora sen comercializar previamente as súas reservas, polo que o seu nivel de ocupación é máis baixo.
Desta tardía reacción beneficiouse a capital que acolleu boa parte dos turistas de "sol e praia" que se decantaron por Pontevedra.
Outro dos factores que destacan no sector é que a estanza media dos visitantes aumentou respecto ao ano pasado, que foi dun só día.