A humanización de Jaime Janer xa está lista
Por Redacción
As obras de humanización da rúa Jaime Janer de Marín déronse por rematadas este mércores despois dun mes e medio de traballos a cargo da empresa adxudicataria, Oresa.
Segundo informou o Concello, a falta de pequenos remates, a rúa xa quedou accesible, ao retirarse os valos que protexían as beirarrúas da zona de calzada. De todos os xeitos para o seu uso habitual haberá que esperar ata o próximo luns e, por prudencia, non se permitirá ata o fin de semana o acceso a garaxes e ao tráfico rodado para poder circular e permitir que os taxis ocupen a súa parada e se recupere a zona de carga e descarga.
A intención do Concello de Marín é facilitar o percorrido das procesións de Xoves e Venres Santo, tanto para o paso dos fieis e imaxes coma para que as persoas que se acheguen a presencialas o poidan realizar de xeito máis cómodo.
O tráfico quedará tal e como se fixou coa finalización da rúa Almuíña, de sentido único de baixada. Poderase circular cando xa se retiren a totalidade dos valos.
O Concello recorda que esta obra é unha nova reforma que se engade a mellorar os espazos urbanos e foi financiada integramente pola Deputacion de Pontevedra, ao igual que a humanización da rúa Almuiña. Ademais das actuacionmes visibles, realizouse a renovación de todos os servizos existentes
Relacionadas:
-
As obras de humanización da rúa Jaime Janer entran na súa recta final
Por Redacción |
-
O asfaltado do tramo urbano da rúa Jaime Janer será a última actuación urbana do mandato de María Ramallo
Por Redacción |
-
Avanzan a bo ritmo as obras de humanización no primeiro tramo da rúa Jaime Janer
Por Redacción |
-
Arranca a obra de humanización no primeiro tramo da rúa Jaime Janer
Por Redacción |