O Tribunal de Contas arquiva o expediente aberto ao Concello de Marín
Por Redacción
O Tribunal de Contas arquivou as dilixencias preliminares abertas ao Concello de Marín en relación cos pagamentos nas nóminas de determinados meses en concepto de produtividade e de horas extraordinarias e con dous expedientes de recoñecemento de créditos. O Concello deu a coñecer este sobresemento do arquivo, que responde ás alegacións municipais presentadas.
Segundo informou o Concello, as alegacións deixan "suficientemente esclarecidos os feitos que foran denunciados" e que, no caso dos expedientes, contaban con informes favorables e foran aprobados polo pleno da Corporación. Tras estudalas, o Tribunal de Contas emitiu un auto de arquivo.
O Concello de Marín sostén que se declaran solucionadas as irregularidades que foron obxecto da denuncia con toda a documentación remitida referente ás nóminas, coas xustificacións que se realizan mes a mes, e con toda a documentación e certificados que se achegaron.
Nun comunicado o Concello recorda que a investigación adquiriu "especial relevancia pública" polo "balbordo" provocado polos partidos da oposición e, en resposta ás críticas, recoñece que "é necesario corrixir, mellorar e optimizar os recursos dos que dispoñemos e tomar en consideración medidas organizativas para tratar de dar un mellor servizo e que se poidan atender as demandas dos veciños que como é lóxico cada vez son máis esixentes".
"ÿ evidente que todo está aclarado para tranquilidade do concello de Marín", indica o Concello, para quen é "unha alegría" o arquivo do expediente, se ben asumen que "ao saber que todo está en orde aínda que hai que tender a facelo cada vez mellor".
Relacionadas:
-
O goberno local de Marín informa os voceiros municipais do expediente aberto polo Tribunal de Contas
Por Redacción |
-
O PSOE de Marín pide unha reunión da xunta de voceiros para informar das dilixencias do Tribunal de Contas
Por Redacción |
-
A reclamación do Tribunal de Contas xera controversia entre o goberno local de Marín e a oposición
Por Oskar Viéitez |
-
O goberno local de Marín alega contra o expediente aberto polo Tribunal de Contas
Por Redacción |