Ponte Caldelas destina 15.000 euros para acondicionar a Casa do Pobo de Buchabade
Por Redacción
Representantes veciñais de Buchabade asinaron un convenio co alcalde de Ponte Caldelas, Perfecto Rodríguez, para a mellora das instalacións da Casa do Pobo.
Neste establécese que o Concello achegará 15.000 euros, mediante subvención, destinados a acondicionar o interior das instalacións e habilitar unha cociña para as celebracións veciñais.
Esta partida está incluída dentro dos presupostos municipais para o presente ano, que reflicten tamén cantidades para distintas reformas nos centros socioculturais de Barbudo, Vilarchán e Rebordelo.
Incluíndo a reforma da Casa do Pobo de Paradela e a de Buchabade Ponte Caldelas destinará a estes conceptos 54.700 euros.
A previsión é que as obras en Buchabade poidan estar listas antes do verán.