Rescatan un home que caera ao mar no peirao da Illa de Arousa
Por Redacción
Tremendo susto o protagonizado por un veciño da Illa de Arousa na mañá deste sábado no peirao do Xufre.
Por causas que non transcenderon o home, mariñeiro de profesión, caeu ao mar e tivo que ser rescatado por varios veciños que se encontraban no lugar.
Un particular alertou ao servizo de Emerxencias 112 Galicia ás 8:45 horas da mañá, indicando que o home xa fora rescatado pero presentaba dificultades respiratorias debido á auga que tragara.
Por ese motivo o 112 decidiu mobilizar o helicóptero de urxencias médicas, pero finalmente non foi necesaria a súa evacuación aérea e foi trasladado en ambulancia a un centro hospitalario.
O dispositivo de emerxencia mobilizado incluíu efectivos de Salvamento Marítimo, 061, Garda Civil e Policía Local.