A Garda Civil detivo dous veciños de Poio pola venda e cultivo de marihuana nunha casa en Campelo
Por Redacción
A Garda Civil detivo a VM.G.F., de 29 anos de idade e ao seu conyuge MI.C.G., de 40, veciños de Poio, como supostos autores dun delito contra a saúde pública, pola venda e cultivo de substancias estupefacientes.
A raíz da incautación dun invernadoiro dedicado ao cultivo de plantas de marihuana o pasado día 11 do actual, o cal se encontraba no interior dun rocho dunha vivenda de Poio e no que, ademais de posuír un sofisticado sistema de rego, iluminación e calefacción, había máis de 90 plantas de marihuana en distintas fases de crecemento, compoñentes do Posto da Garda Civil de Pontevedra continuaron coas investigacións para o total esclarecemento deste ilícito.
Estas deron resultado positivo este martes cando se logrou a localización e detención dos supostos autores.
Os detidos, que carecen de antecedentes policiais, serán postos a disposición do Xulgado de Instrución número tres de Pontevedra.