Sorprenden un caco furtando ferramentas nunha obra
Por Redacción
Un home de 40 anos de idade foi sorprendido cando estaba a cometer un furto nunha obra da rúa Eduardo Pondal.
Segundo informaron fontes da Comisaría da Policía Local, os feitos denunciados aconteceron o pasado xoves día 12.
Un home que paseaba pola rúa Eduardo Pondal detívose diante dun local en reformas e tras disimular facendo que falaba polo teléfono móbil coouse por debaixo do enreixado introducíndose no interior do local. Despois duns minutos abandonou o establecemento cun maletín de ferramentas na man.
O que este individuo non sabía é que durante todo o tempo, un axente da policía local fóra de servizo estaba a observar todos os seus movementos dende outra tenda nesa mesma rúa. O axente saíu detrás deste presunto delincuente dándolle alcance na rúa Filgueira Valverde onde foi arrestado por axentes dunha patrulla que estaban de servizo.
O valor dos sustraido non superaba os 400 euros polo que será acusado dunha falta de furto.