Unha pontevedresa demanda un home que coñeceu nunha web de contactos tras sufrir unha estafa de 58.000 euros
Por Oskar Viéitez
Unha veciña de Pontevedra ten demandando un usuario da web de contactos Badoo despois de que lle estafase máis de 58.000 euros, segundo informou o Tribunal Superior de Xustiza de Galicia
A Sección Cuarta de la Audiencia Provincial de Pontevedra sinalou para este xoves día 19 o xuízo contra Manuel V. C., acusado de estafa.
O fiscal pide dous anos de prisión e multa de nove meses a razón de nove euros día, para este home acusado de mentirlle a unha muller a través dunha rede social en internet para facerlle crer que era un empresario cunha situación económica sólida, pero que estaba a pasar por dificultades financeiras. Así conseguiu, segundo a Fiscalía, que a muller lle entregase os cartos.
Segundo o escrito de acusación do Ministerio Fiscal os feitos denunciados sucederon en marzo de 2010 cando o acusado contactou a través da web de contactos Badoo con esta veciña de Pontevedra, iniciando unha relación amigable. Ambos empregaron nomes ficticios, el "Javier" e ela "Susana".
A Fiscalía sostén que "mediante distintas mentiras" o acusado fíxose pasar por un empresario que estaba a atravesar dificultades económicas, pedíndolle distintas cantidades de diñeiro para saír do apuro no que se encontraba. O Ministerio Público afirma que a muller lle deu 58.040 euros, cantidade que reclama agora como indemnización.