Cáritas de Ponte Caldelas coordina as súas accións co Concello
Por Redacción
O alcalde de Ponte Caldelas Perfecto Rodríguez e as responsables de Servizos Sociais municipais mantiveron unha reunión este xoves cos responsables de Cáritas Ponte Caldelas co obxectivo de analizar a situación socioeconómica do municipio e manter unha coordinación das actuacións que realiza cada entidade para chegar ao maior número de familias.
Cando se cumpre un ano dende que Cáritas inaugurou a sede da avenida de Aguasantas os seus responsables expuxéronlle ao alcalde as iniciativas que queren ir levando a cabo no futuro para o cal Perfecto Rodríguez lles ofreceu a máxima colaboración municipal.
Na reunión o equipo dos Servizos Sociais municipais que forman a traballadora social e a educadora social do Concello expliaron cuestións como as axudas directas en materia de emerxencia social que chegan a máis de 100 familias cada ano.
O obxectivo da reunión é seguir mantendo unha coordinación para intentar chegar ao máximo de familias, porque mantendo unha boa comunicación entre Concello e entidades sociais como Cáritas é máis doado atender máis situacións de emerxencia social.
Caritas conta con outra agrupación na parroquia da Insua.