Sabemos o que se debe tirar no colector amarelo?
Por Oskar Viéitez
Un CD, unha cinta de VHS ou un xoguete de plástico, tíranse ao colector amarelo? A resposta é "NON". Dos colectores de reciclaxe urbana, o amarelo é o que recibe máis impropios, é dicir, os residuos non depositados de forma correcta.
A pesar da melloría dos últimos anos, o amarelo é o que máis impropios recibe dos colectores de reciclaxe urbanos. "Este es uno de los grandes problemas que dificultan el proceso de reciclado", sostén Antonio Barrón, director de comunicación de Ecoembes, a sociedade sen ánimo de lucro xestora dos residuos do colector amarelo e azul.
Antonio Barrón deunos a resposta á pregunta que encabeza esta información: no colector amarelo só deben depositarse envases, xa sexan de plástico, latas ou briks. Tamén van a este colector as bandexas de cortiza branca para alimentos, envoltorios de plásticos de bolería, bolsas de aperitivos, bolsas de plástico dos comercios, botes de bebidas, latas de conserva, bandexas de aluminio, aerosois, tapas e tapóns metálicos, etc.
En total, en toda a provincia de Pontevedra hai instalados 10.029 colectores amarelos e 3.851 azuis, para cartón e papel.
'ORGULLOSOS DE RECICLAR'
A Deputación de Pontevedra e Ecoembes puxeron en marcha a campaña de concienciación 'Orgullosos de reciclar', co obxectivo de transmitir aos cidadáns a importancia que ten a súa colaboración no reciclado de envases e o coidado do medio.
Esta campaña, que comezou este martes, estará presente ata o próximo 12 de abril nos medios de comunicación de cada un dos municipios que conforman a deputación, coa intención de mostrar aos cidadáns pontevedreses que o seu papel é clave na construción dun futuro sostible.
O presidente da Administración Provincial, Rafael Louzán, expresou a súa intención de que a provincia de Pontevedra "sea un modelo en cuanto al reciclaje pues, en la medida en que reciclemos y separemos más, mejoraremos el nivel de vida de sus ciudadanos, contribuiremos a un mundo sostenible e también a reducir el gasto de las familias".
'Orgullosos de reciclar' pretende mostrar os veciños que o seu papel é clave na construción dun futuro sostible.