Abren o prazo para solicitar praza no centro de día de Príncipe Felipe
Por Redacción
A Deputación Provincial de Pontevedra mantén aberto o prazo para presentar solicitudes para o centro de día de Príncipe Felipe. Poderán pedirse prazas ata o vindeiro 14 de marzo.
O centro está destinado a menores de entre 4 meses a 16 anos procedentes de familias que necesiten apoio diario para completar a formación e atención dos seus fillos. Conta con 120 prazas, 70 para nenos de 4 meses a 7 anos; e 50 prazas para nenos de 8 a 16 anos.
O centro pretende favorecer procesos de integración social, promover o cambio de actitudes e condutas dos menores, asesorar e orientar a menores e as familias e evitar o absentismo escolar, entre outros obxectivos.
Entre os servizos que presta o centro de día de Príncipe Felipe está o aloxamento diurno, a atención durante o curso lectivo, xantar e merenda, apoio e seguimento escolar, financiamento do transporte, actividades propias e servizo de titorías.