Dous feridos leves ao sairse da vía un turismo en Marín
Por Redacción
Dúas persoas resultaron feridas este martes ao saírse da vía o vehiculo no que circulaban na vía rápida de Marín e rematar envorcado na beiravía con importantes danos materiais na parte dianteira.
Segundo informou o Centro de Atención de Emerxencias de Galicia 112, o accidente produciuse pouco despois das 12.45 horas deste martes na estrada VG4.4, que comunica Marín e Bueu.
A raíz do sinistro, o 112 deu aviso á Garda Civil de Tráfico, Protección Civil e efectivos de Urxencias Médicas de Galicia 061.