O PP inicia a súa rolda de reunións para designar candidatos ás municipais
Por Redacción
O Comité Electoral Provincial do PP de Pontevedra iniciou a rolda de reunións para designar os candidatos dos concellos con menos de 50.000 habitantes de toda a provincia, é dicir, todos os concellos salvo Pontevedra e Vigo.
O presidente provincial do Partido Popular, Rafael Louzán, explicou que se celebrarán diferentes entrevistas para que nos próximos días poidan quedar pechados os nomes da práctica totalidade dos candidatos do PP na provincia para os comicios municipais de maio e unha vez designados faranse públicos.
Louzón indicou que a pesar das dificultades derivadas do contexto político actual o Partido Popular, que goberna en 48 dos 62 concellos de Pontevedra, conta nalgúns casos con diversas alternativas para a designación dos cabezas de lista.
A intención dos populares, segundo Rafael Louzán, é seleccionar xente traballadora, con ideas e ilusión por traballar polo seu concello.
O Comité Electoral Provincial está formado por oito membros da Xunta Provincial e presidido polo propio Louzán. A secretaria do comité é Roció de Sinde e como vogais figuran Luis Serantes, José Manuel Cores Tourís, Diego Gago, Miguel Domínguez, Román Rodríguez, Begoña Estévez e Alberto Pazos.
RUEDA, COORDINADOR DA CAMPAÿA
Por outra banda, o PPdeG escolleu a Alfonso Rueda como coordinador da campaña electoral e presentará aos candidatos das cidades tras a convención do PP de cara ás eleccións municipais de maio.
O comité encargado de preparar as eleccións contará con catro alcaldes, entre os que se atopa a alcaldesa de Marín, María Ramallo, que farán de enlace coa realidade municipal.