A campaña do PSOE de Ponte Caldelas logra xuntar 1.000 quilos de alimentos, roupa e xoguetes
Por Redacción
Por terceiro ano consecutivo, o PSOE de Ponte Caldelas puxo en marcha unha campaña solidaria para axudar ás familias máis necesitadas do municipio.
Organizaron unha recollida de alimentos non perecedoiros, xoguetes e roupa que, posteriormente, entregaron nas sedes que a ONG Cáritas ten nas parroquias de Caldelas e A Insua.
Os veciños das distintas parroquias e pobos do concello deron, segundo sinala o voceiro socialista, Andrés Díaz, un "exemplo admirable de solidariedade" que permitiu xuntar preto de 1.000 quilos de alimentos non perecedoiros, numerosos xoguetes e unhas 50 bolsas de roupa, "o que nos fai sentir satisfeitos e orgullosos de pertencer a un pobo tan comprometido e solidario".
Cáritas atende actualmente a 32 familias en Caldelas e a nove en A Insua e desenvolve, destaca Andrés Díaz, una "admirable labor no concello axudando os veciños con dificultades para poder comer, situacións persoais que no último ano incrementáronse dándose casos de verdadeira emerxencia social".